محرّمدی، قیام آیی، قان آیی

جهاد آیی، قان آیی، قرآن آیی

آزادلیقا، اینسانلیقا، شرفه

آیلار ایچره آی تانینیب قان آیی 

 

محرّمدی، اوره‌کلری داغلایین

قارا گئیین، باشا قارا باغلایین

حسین اؤلوب زهرا قالیب اوْغولسوز

حسین‌چیلر آقاما قان آغلایین

اوْ کس کی هر محرّمده قورار بزمی-عزا آغلار

حسین‌ین آدینا هر ایل گییه‌ر اوْن گون قارا آغلار

آلار محشرده زهرا دن شفاعت حقّه آند اوْلسون

اوْ کس کی بی‌ریا سسله‌ر حسینی بی‌ریا آغلار

 

سلام اوْلا غم مجلیسی قورانا

کفش‌کنده آیاق اوسته دورانا

سلام اوْلا آقام حسین آدینا

قاپیسینا قارا علم ویرانا

 شاعر: نادر بابایی و تائب تبریزی

 

نوشته شده در شنبه 93 آبان 3ساعت ساعت 10:22 صبح توسط مشتعلی| نظر بدهید